نفسك فى ايه

موضوع: نفسك فى ايه الخميس 18 فبراير 2010, 11:20 pm

انا عملت الموضوع ده علشان نعرف ايه اللى نفسنا فيها يببقى موجود فى المنتدى وايه اللى نفسنا نوصله
وكمان نقدر نقيم مستوى المنتدى دلوقتى

اولا : ايه رأيك فى مستوى المنتدى وهل كان حلو فى الاول ولا دلوقتى بقه احلى ؟

ثانيا : لما بتفتح الجهاز بتدخل على المنتدى على طول ولا بتدخل كل فترة بعيده ؟

ثالثاً : نفسك المنتدى يبقى فيه ايه بالظبط مش موجود فيه حالياً ؟

رابعاً : ايه اللى مش عجبك فى المنتدى ونفسك ميبقاش موجود ؟

خامساً : مين احلى عضو او مشرف فى نظرك ؟

لو التقييم للمنتدى ماشى بالترتيب ده هاتختار ايه

A ---- جامد جدا

B ----حــــلـــــو

C ----شـــغــــــال

D ---- مش كويس

ياريت كل الناس تجاوب على الموضوع علشان ادراة المنتدى تعرف ازاى تتطور المنتدى

اولا : ايه رأيك فى مستوى المنتدى وهل كان حلو فى الاول ولا دلوقتى بقه احلى ؟
هو طبعا دلوقتى بقى فى النازل عايزين نشغله اكتر من كدا

ثانيا : لما بتفتح الجهاز بتدخل على المنتدى على طول ولا بتدخل كل فترة بعيده ؟
المنتدى ساعات كتير موش بيرضى يفتح معايا علشان كدا موش ببقى موجودة معاكم علطول

ثالثاً : نفسك المنتدى يبقى فيه ايه بالظبط مش موجود فيه حالياً ؟
الصراحة مفيش حاجة فى دماغى حاليا

رابعاً : ايه اللى مش عجبك فى المنتدى ونفسك ميبقاش موجود ؟
اكمنى موش متابعة فمعرفش

خامساً : مين احلى عضو او مشرف فى نظرك ؟
فيه ناس شغاله كويس زى سمسمه مثلا وطوفان وغيرهم

لو التقييم للمنتدى ماشى بالترتيب ده هاتختار ايه

A ---- جامد جدا

B ----حــــلـــــو

C ----شـــغــــــال

D ---- مش كويس

[center]الاسئله ديه كلها ملهاش لازمه لانى المنتدى جميل جدا
بس هو عايز شوية نشاط من جميع الاعضاء

انا عايز بس ارد على eng sun المنتدى على فكره بيفتح معايا على طول مش بيقبلنى مشاكل وديما سريع مش بطئ زى ما سمعت بس ممكن يكون انتى عندك مشاكل فى النسخة بتاعتك علشان انا كنت على جهاز قبل كده نسخته وحشه وحصل معايا اللى انتى بتقولى عليه

موضوع: رد: نفسك فى ايه السبت 20 فبراير 2010, 12:14 am

لا يا نمر الاسئله دى كلها مهمه وانا شايفه ان المنتدى بقى فى النازل خالص ومفيش مشاركه من جميع لاعضاء فى كل الاقسام

موضوع: رد: نفسك فى ايه السبت 20 فبراير 2010, 8:06 pm

والله يا سمسمه انا شيفه ان كل واحد يبدأ بنفسه الاول .وكل واحد يدى جزء من وقته للمنتدى ده زى ما بيدى للمنتديات التانيه اعتقد مفهوم كلامى .
وانا شايفه ان المنتدى كويس بس عاوز مشاركه من الاعضاء كلهم .
مش المهم ان الواحد يسجل وخلاص المهم اننا نشارك ولو بمشاركه واحده فى اليوم . يعنى المنتدى فيه اكثر من 100 عضو لو كلهم شاركوا كل يوم بمشاركه واحده يبقى كويس قوى ولا ايه يا جماعه ؟؟؟؟؟؟؟؟؟؟
شكرررررررررررررررررررررررررررررررررررا .
look

موضوع: رد: نفسك فى ايه الأحد 21 فبراير 2010, 2:43 am

عندك حق والله ياطوفان ويارب انت كمان متحرمنى من مواضيعك الجميله

بصراحه انا نفسى المنتدى يشتغل شويه .
بصراحه ومن غير غرور المنتدى بتاعنا احلى من منتديات تانيه كتير بس للاسف الاعضاء هما الى مهملين فيه شويه .
يعنى بشوف العضو يدخل المنتدى ويقعد اكتر من ساعه فيه ومش بيرد ولا على موضوع واحد .محسسنى ان كل المواضيع قديمه وما لهاش فايده ولا موضوع عجبه .يا اخواتى تقول علامه فى المعلومات ههههههههه .مش محتاج لاى معلومه ولا معلومه عجبته .طيب رد حسس الشخص الى عمل او نقل الموضوع انه تعب وانت بتكفئه .
بصراحه مش عارفه اقول ايه ربنا يهدى .

» " حاسب نفسك صح "
» حسين الجاسمي ضيعت نفسك ليه