التدخين ياشباب

- التدخين يا جماعة ..................

- يوووووه أنتى حتصدعينا بالكلام ده تانى

ده طوب الأرض بيقولولنا بطلوا تدخين

ما أنا متعلم مش جاهل يا دكتورة

و رحنا مدارس زيكم

و شوفنا اعلانات كتييييير عن آثار التدخين

بس أهو الواحد بيفك بيها عن نفسه شوية

من التعب و الهم اللى احنا عايشين فيه

- يا أخى الكريم بس علماءنا و شيوخنا قالوا انها حرام

لا مش حرام

- ازاى يعنى حضرتك ؟

- أصل هى مش خمرة و لا مخدرات لا مؤخذاة

- بس أى حاجة بتضر صحتك و تضيع فلوسك

تبقى أكيد حرام

و ربنا ما بيحبش الخبائث

لا يحب الا الطيبات

فمن غير فتوى و لا حاجة بالعقل كده

أكيد ربنا ما يرضاش بالتدخين

- بس ع فكرة بقى

أنا سمعت أن السجاير أصلا مش زى ما بيقولوا

بتعمل سرطانات و الكلام ده

ده كلام لسه مجرد أبحاث و ما فيش حاجة مؤكدة

- يعنى حضرتك هو لازم تتعب عشان تصدق الأبحاث

من غير أبحاث و لا حاجة

أنزل المستشفى و شوف مرضى الصدر

و شوفهم و العياذ بالله قد ايه تعبانين من سرطانات الرئة

و شوف اللى تم استئصال حنجرته و مش بيقدر ينطق دلوقتى

و شوف ......................

- خلاص خلاص يا دكتورة

حنبقى نبطلها

لعلمك أنا لو عايز أبطلها حأبطلها من دلوقتى

- طاب كويس جدا ما تبطلها و نبدأ من دلوقتى

أرمى السيجارة اللى ف ايديك و العلبة كلها

- لا مش حينفع دلوقتى

- ليه ؟

- أهو كده

- شفت بقى حضرتك بتكذب

- أنا باكذب

الله يسامحك

- معلش بس حضرتك قلت

أنا قوى و ليا ارادة و أقدر أبطل التدخين

لكن فى الحقيقة أنك مش قادر

التدخين ده ادمان

بص لنفسك و أفتكر فى رمضان

قبل الفطار

و أنت واقف فى البلكونة و أنت منتظر المدفع يضرب

واقف مش على بعضك

و فى ايديك السيجارة

مش ده ادمان

مش أنت كده أصبحت عبد للسيجارة

و فاكر أن بدخانها حتفك شوية عن همومك

و نسيت أن ما فيش حد يقدر يفرج همومك غير ربنا

و لجئت للسيجارة و سيبت ربنا

- أنتى حتطلعينا كفار و لا ايه يا دكتورة

أستغفر الله العظيم

لا طبعا أكيد ربنا هو مفرج الهموم

بس السيجارة ديه يعنى ..............

- يعنى ايه

ما تخليش الشيطان يلعب فى دماغك

و يقولك حجج فارغة

عشان تضيع صحتك و مالك و تغضب ربنا

سيبها عشان ربنا

و أدعى من قلبك

و قول يا رب

أنا سيبتها عشانك

ده لو أنت مش همك صحتك و لا صحة اللى حواليك

اللى بيتسمموا كل يوم من دخان سيجارتك

سيبها كنوع من تقوى الله

سيبها لله

و لما تتخنق قوى و تروح تشترى سيجارة عشان تفش غلك فيها من الزهق و التعب

أرفع ايديك لربنا و أطلب من يبعد عنك الهم و الحزن

و أكيد ربنا مش حيخذلك أبدا

لكن ما تلجأش لسيجارة عبارة عن دخان مسموم

مش حيقدم لك شىء فى مشاكلك اليومية

اللى عمرها ما بتخلص

ما فيش غير عمرك اللى بيتحرق
مع كل نفس بتاخده منها

سيبها لله هو وحده يكفيك عن الدنيا و ما فيها

جزاكي الله خيرا ياقمر
فعلا لازم الشباب يعرفوا كويس ان السجائر حرام

قطرات الندي كتب:

جزاكي الله خيرا ياقمر
فعلا لازم الشباب يعرفوا كويس ان السجائر حرام

وجزاكى كل خير
شكرالمرورك ياقمر

اسماء كتب:

انتو بتتكلموا مع مين احنا اللى بنقرا الكلام وبنرد عليهم وكلهم عارفين انها حراااااااام ومتأكدين من كدا بس اهو بقا

ههههههههههههههههههههه
محاوله يمكن
منوره ياقمر التوبيك

سبحان الله
شكرا لك اختي
على موضوع - التدخين
الله يعطيك الف عافية

شكرا لمرور حضرتك